Waziri wa Tawala za Mikoa na Serikali za Mitaa Selemani Jaffo amemuagiza Mkuu wa Wilaya ya Kinonondoni Ally Happy sambamba na uongozi wa Manispaa hiyo kutafuta eneo maalumu litakalofaa kwa ajili ya ujenzi wa bwawa la kuogelea lenye viwango vya kimataifa litakalotumika kufundishia vijana wa Kitanzania jinsi ya kuogelela.

Kutoka kushoto ni Waziri wa Habari,Sanaa,Utamaduni na Michezo Harrison Mwakyembe, Mkuu wa Wilaya ya Kinondoni Ally Hapy, Waziri wa Nchi Ofisi ya Rais Tawala za Mikoa na Serikali za Mitaa Selemani Jaffo na Mwalimu Mkuu wa Shule ya Msingi Osterbay wakikagua eneo lililotengwa kwa ajili ya ujenzi wa bwawa la
kuogelea.

    

      Waziri wa Nchi Ofisi ya Rais Tawala za Mikoa na Serikali za Mitaa Selemani Jaffo (aliyesimama) akizungumza wakati wa hafla ya kuangalia eneo lililokuwa limetengwa kwa ajili ya ujenzi wa bwawa la Kisasa la Kuogelea katika shule ya Msingi Osterbay, Dar es Salaam.

 Waziri wa Habari, Sanaa, Utamaduni na Michezo Harrison Mwakyembe akizungumza katika hafla ya kuangalia eneo lililokuwa limetengwa kwa ajili ya ujenzi wa bwawa la Kisasa la kuogelea katika shule ya Msingi Osterbay, Dar es Salaam.

 Waziri wa Nchi Ofisi ya Rais Tawala za Mikoa na Serikali za Mitaa Selemani Jaffo(kulia) akiteta jambo na Mkuu wa Wilaya ya Kinondoni Ally Happy (kushoto) wakati wa hafla ya kuangalia eneo lililokuwa limetengwa kwa ajili ya ujenzi wa bwawa la Kisasa la kuogelea katika shule ya MsingiOsterbay, Dar es Salaam.

1.    Waziri wa Nchi Ofisi ya Rais Tawala za Mikoa na Serikali za Mitaa Selemani Jaffo (katikati) akiwa na Waziri wa habari, Sanaa na Michezo Harrison Mwakyembe(kushoto), Mkuu wa Wilaya ya Kinondoni Ally Happy( kulia) na walimu wa shule ya Msingi Osterbay wakati wa hafla ya kuangalia eneo lililotengwa kwa ajili ya ujenzi wa bwawa la kisasa la kuogelea.

    

    WAZIRI JAFFO: TAFUTENI ENEO LA KUJENGA BWAWA LA KIMATAIFA LA KUOGELEA

Waziri wa Tawala za Mikoa na Serikali za Mitaa Selemani Jaffo amemuagiza Mkuu wa Wilaya ya Kinonondoni Ally Happy sambamba na uongozi wa Manispaa hiyo kutafuta eneo maalumu litakalofaa kwa ajili ya ujenzi wa bwawa la kuogelea lenye viwango vya kimataifa litakalotumika kufundishia vijana wa Kitanzania jinsi ya kuogelela.

Jaffo ameyasema hayo wakati wa hafla fupi ya kuangalia eneo la shule litakalofaa kwa ajili ya ujenzi wa bwawa la kuoegelea litakalo fadhiliwa na chama cha kuogelea Tanzania.

Akizungumza katika hafla hiyo Waziri wa habari, Sanaa, Utamaduni na Michezo Harrison Mwakyembe alisema kwa kipindi kirefu watanzania tumekuwa tukiungaunga kwenye mashindano mengi ya kimataifa kitu ambacho kimesababisha ushindi wetu kuwa wakusuasua kila wakati lakini sasa tunataka tuweke miundombinu katika mashule ambayo itatoa fursa ya watoto kujifunza kuogelea kuanzia ngazi za chini.

“Tuna vipaji vingi sana katika nchi yetu lakini haviendelezwi mfano katika hili la kuogelea kule kwetu Mbeya watu wanaogelea kwenye mito na wanajua vizuri lakini ukiwaleta kwenye mabwawa ya kimataifa wataishia kushindwa kwa sababu hawana mbinu za kitaalamu za kushiriki kwenye mchezo huo” alisema Makyembe.

Akipokea maombi ya kujenga bwawa la kuogelea katika shule ya Msingi Osterbay Waziri wa Tamisemi Selemani Jaffo amesema amepokea na kukubali ombi la kujenga bwawa la kuogelea lakini eneo la shule ya Osterbay ni dogo halitakidhi mahitaji na viwango vya bwawa la kimataifa la kuogelea hivyo uongozi wa Manispaa utafute eneo linguine kwa ajili ya utekelezaji wa mradi huo.

Aliongeza kuwa ana washukuru wafadhili kutoka Chama cha kuogelea Tanzania kwa kuamua kutoa msaada wa ujenzi wa bwawa la kuogelea ili kukuza vipaji kwa watanzania wengi ambao wamekosa fursa hiyo kutokana na ukosefu wa mabwawa ya kuogelea (Swiming Pools) katika maeneo mengi.

Pia amewaomba wafadhili hao kuendeleza kutoa msaada huo nje ya mikoa ya Dar es Salaam na kufika mpaka Dodoma katika Chuo cha Serikali za Mitaa Hombolo ambapo pana eneo la kutosha kwa ujenzi wa bwawa la kimataifa na uhitaji ni mkubwa kwa kuwa wanafunzi wanaosoma hapo ni muhimu wakapatiwa burudani (entertainment) mbalimbali baada ya kutoka masomoni.

 TAMISEMI YA WANANCHI