GUNIA 168 ZA BANGI ZADAKWA ARUSHA

TUME ya Kudhibiti na Kupambana na Dawa za Kulevya nchini imekamata magunia 168 ya dawa za kulevya aina ya Bangi.

Aidha, mamlaka hiyo ilifanikiwa kuwakamata watuhumiwa 20 waliokuwa wamehifadhi magunia hayo katika Kitongoji cha Engendeko kilichopo Kijiji cha Losinoni wilayani Arumeru mkoani hapa.

Akizungumza mjini hapa jana Kamishna wa Intelijensia wa Mamlaka hiyo Fredrick Kibute alisema, shehena hiyo ilikamatwa alfajiri ya kumakia jana kwa ushrikiano wa ofisi yake na askari wa Jeshi la Kujenga Taifa (JKT) kambi ya Oljoro.

Alisema mafanikio hayo yametokana na kupokea taarifa kutoka kwa raia wema ambapo walituma kikosi maalum kwa ajili ya kufanya uchunguzi kabla ya kwenda kuvamia eneo husika.

“Tulipodhitibitisha taarifa za vyanzo vyetu tulipanga safu ya kikosi kazi kwenda kukamata bangi hiyo na tumefanikiwa kukuta kile tulichokuwa tumeambiwa na raia wema,” alisema Kibute na kuongeza:

“Tuliondoka Saa 8 usiku jana kuelekea kijiji husika tukiwa na maalum kutoka ofisini kwangu,wanajeshi na polisi ilipofika Saa10:00 alfajiri tulifanikiwa kufika na kuanza msako wa nyumba kwa nyumba,” alisema .

Akielezea kuhusu mazingira ya kijiji hicho na kilimo cha bangi Kibute alisema, Kitongoji cha Engendeko ni moja ya maeneo yaliyotia for a kwenye kilimo cha bangi.

Kibute aliwataka wananchi wilayani Arumeru kuacha mara moja kilimo hicho cha bangi huku akisisitiza kuwa kwa sasa wanapatwa kusoma alama za nyakati badala ya kufanya kilimo hicho kwa mazoea.

“Wananchi wanaolima bangi waache haraka ninawataka wasome alama za nyakati. Ipo sheria namba tano ya Mwaka 2010 ambayo kwa sasa inasimamiwa kikamilifu,” alisema Kibute.

Kwa upande wake Luteni Moses Gimonge kutoka Kikosi cha 833 Oljoro JKT alisema kazi hiyo haikuwa rahisi kutokana na kijiji hicho kuwa kwenye Jiografia ya milima na mabonde makubwa.

“Tumeshrki zoezi hili baada ya kupokea Makao Makuu JKT nchini kushiriki oparesheni ya kukamata bangi na tumetii maelekezo na tumefanikiwa kikamilifu licha ya eneo hilo kuwa na changamoto,” alisema  ya mabonde makubwa na milima,” alisema Luteni Gimonge.

Wilaya ya Arumeru imekuwa moja ya maeneo nchini yanayolima bangi kwa wingi ambapo wilayani humo zaidi ya Vijiji 22 wananchi wake wamekuwa wakitegemea kilimo cha bangi kuendesha maisha yao.