CHANZO UTOROSHAJI MADINI YA TANZANITE HIKI HAPA

IMEELEZWA kuwa  utoroshwaji wa madini ya Tanzanite  katika mgodi wa Tanzanite  One wilayani Simaniro  mkoani Manyara  umesababishwa na kutokuwepo kwa kituo cha cha kuuzia madini ( EPZ)  jambo ambalo limeisababishia Halmashauri ya Wilaya hiyo kukosa  mapato yanayotokana na madini.

Akizungumza na  wadau wa madini Mkoa wa Manyara Naibu Waziri wa Nishati na Madini Dkt. Medard Kalemani alisema kuwa  ili kuthibiti utoroshwaji huo wa madini ya Tanzanite  One Serikali imeamua kujenga Kituo hicho cha Kuuzia madini  EPZ Wilayani simanjiro Mkoani  Manyara.

“Serikali imedhamiria  kujenga kituo kikubwa cha kuuzia Madini  yetu ya Tanzanite  One ili kudhibiti  utoroshwaji wa  madini hayo  hivyo sasa madini yote  yatasanifiwa hapa nchini, Haitaruhusiwa kusafirisha   vito ghafi  nje ya nchi” Alisema Dkt  Kalemani.

Alisema kuwa Wameamua kudhibiti Tanzanite One ili iwanufaishe  wananchi  wa eneo husika na watanzania wote  hivyo kila mtu ana wajibu na jukumu la kuyalinda  madini hayo ili yasitoroshwe.

Aidha aliwataka wachimbaji wote  pamoja na makampuni yaliopo katika Mgodi huo wa Mirerani kulipa kodi  ndani ya siku saba  kuanzia taerehe  24 juni ya services lavey  ambayo ni  asilimia 0.3 ya  halmashauri husika ikiwa ni pamoja na malimbikizo ya nyuma.

Dkt Kalemani alisema kuwa biashara ya wachimbaji wakati  na wachini inapaswa kutolewa kwa watanzania pekee ambao ni wazawa na si wageni kutoka nje ya nchi  na kueleza kuwa biashara hiyo kwa sasa imetawaliwa na raia wanchi jirani ya Kenya  ambapo ni kinyume na sheria  ya nchi.

Kwa upande wake Mkuu wa Wilaya ya Simanjiro Zephania Chaula alisema kuwa wachimbaji wa madini pamoja na wafanyabiasha  wamekuwa wakikwepa kulipa kodi  kitendo ambacho kinaisababishia Halmashauri upotevu wa mapato yake ya ndani .

“Wachimbaji wapo Zaidi ya 2000 lakini hawalipi kodi  mpaka tuanze kukimbizana , naombeni jamani  wale wenye makampuni  lipeni kodi, na kama kuna uwezekano wa kuyafungia  makampuni  ambayo hayalipi  kodi tuyafungie” Alisema DC Simanjiro.

Naye Mkurugenziwa Halmashauri ya Wilaya hiyo ya SimanjiroYefred Myenzi  alieleza kuwa biashara ya madini katika mgodi huo imegubikwa na usiri mkubwa na utoroshwaji  matokeo yake  halmashauri inanpoteza  mapato  ya services lavey hivyo aliomba biashara hiyo ifanyike  mererani  ili kuondoa utoroshwaji na usiri uliopo sasa.

Kwa upande wake mwenyekiti wa chama cha wachimbaji  madini Mkoa wa Manyara( MAREMA) Bw, Sadick Mnene alisema kuwa  uzalishaji wa madini kwa sasa umepungua kutokana na ukosefu wa baruti hivyo wanaiomba  STAMICO kuwasaidia upatikanaji wa baruti na  pia kitalu block B  na D madini yamepotea  hivyo serikali ifanye uchunguzi na kujua umbali wa madini .