FLYDUBAI WAONGEZA SAFARI ZAO TANZANIA

KAMPUNI ya usafiri wa ndege ya flydubai (www.flydubai.com) yenye afisi zake Dubai imetangaza mwanzo wa safari za ndege zake kutoka Dubai hadi Uwanja wa Ndege wa Kimataifa wa Kilimanjaro, Tanzania.

Safari hizo zinatarajiwa kuanza Oktoba 29, Mwaka huu. Huku huduma hiyo ikimaanisha kuwa kampuni hiyo, licha ya kuwasafirisha wateja hadi Jijini Dar es Salaam na Zanzibar, sasa itakuwa na vituo 12 barani Afrika.

Taarifa ya Kampuni hiyo kwa vyombo vya habari Juni 15, Mwaka huu imesema, Uwanja wa ndege wa Kilimanjaro utakuwa kituo cha tatu nchini Tanzania na cha 12 miongoni mwa vituo vyote vya flydubai Afrika.

“Huduma hii mpya imeongeza safari za ndege kutoka Dubai kwenda Tanzania kufikia 14 kwa wiki. Safari za moja kwa moja kutoka Dubai kwenda Zanzibar zitaongezeka zaidi ya mara dufu kuanzia Oktoba 29, Mwaka 2017,” ilisema taarifa hiyo.

flydubai ilianzisha operesheni zake Tanzania  Mwaka 2014 na imepata ongezeko kuu la wasafiri kwa miaka michache iliyopita. Uwanja wa ndege wa Kilimanjaro utapata safari Sita kwa wiki na tatu miongoni mwake zitakuwa kupitia kwa Jiji Kuu la Dar es Salaam.

Zaidi ya hayo, kampuni hii itaongeza safari za moja kwa moja toka Dubai hadi Zanzibar kutoka tatu had inane kwa wiki.

Akiongea kuhusu safari hizi, Afisa Mkuu Mtendaji wa Kampuni ya flydubai, Ghaith Al Ghaith, amesema: “Kutokana na kuongezwa kwa huduma za usafiri hadi uwanja wa Kilimanjaro pamoja na safari zaidi za moja kwa moja hadi Zanzibar, kampuni yetu itatekeleza  safari 14 kila wiki, ambalo ni ongezeko la asilimia 133% kwenye huduma hizo ikilinganishwa na mwaka uliopita.Hili ni dhihirisho bora kwamba umaarufu wa Tanzania kama kituo cha watalii umeongezeka na tuna furaha kuwasafirisha wateja wetu kwenda na kutoka Dubai.”

Uwanja wa Ndege wa Kimataifa wa Kilimanjaro upo kati ya maeneo ya Kilimanjaro na Arusha Kaskazini mwa Tanzania. Uwanja huo ndio kiingilio cha eneo la Kilimanjaro ambalo linajumlisha maeneo ya  Mlima Kilimanjaro, Hifadhi ya Wanyama-Pori ya Arusha, Ngorongoro Crater na Hifadhi ya wanyama-Pori ya Serengeti. Ni kampuni chache tu za usafiri wa ndege za kimataifa ambazo hutoa huduma kwa eneo la Kilimanjaro – na kampuni ya flydubai ndiyo ya kwanza kutoa huduma hii moja kwa moja kutoka eneo la Milki ya Kiarabu ya UAE.

“Tumejitolea kutoa huduma za usafiri kwa sehemu ambazo zina uhaba wa huduma hizo. Na huduma za kampuni ya flydubai kwenye uwanja wa Kilimanjaro itawapa wasafiri nafasi za kusafiri baina ya kitengo vya Biashara (Business Class) na kitengo cha Uchumi (Economy Class).

“Kadhalika, tumewapa wasafirishaji nafasi zaidi za kusafirisha mizigo kupitia kwa idara yetu ya usafirishaji wa mizigo. Tunatarajia kuona usafirishaji bora wa kibiashara na wa watalii katika safari hizi kutoka eneo la GCC na eneo la Uropa Mashariki kupitia kituo cha Dubai,” akasema Sudhir Sreedharan, ambaye ni Kaimu Mkuu Makamu wa Rais wa kampuni anayesimamia kitengo cha Biashara (eneo la GCC na  Bara la Afrika).

Kampuni ya flydubai ilipata ongezeko la aslimia 3.5% ya wasafiri kutoka UAE na Afrika katika mwaka wa 2016 ikilinganishwa na mwaka wa 2015 – ambalo ni dhihirisha kuwa usafiri kuelekea eneo la Afrika unazidi kunawiri.

flydubai imetekeleza usafiri murua Barani Afrika kwa kuhudumia maeneo ya Addis Ababa, Alexandria, Asmara, Djibouti, Entebbe, Hargeisa, Juba, Khartoum, Port Sudan na hata maeneo ya Dar es Salaam, Kilimanjaro na Zanzibar. Vituo hivi vyote 12 vitahudumiwa kwa jumla ya safari 80 kila wiki wakati wa msimu huu wa kiangazi.

Kwa habari kamili kuhusu huduma na nauli za usafiri, tembelea: www.flydubai.com/en/plan/timetable.

APO kwa niaba ya flydubai.