MCHUNGAJI KUTOA USHAHIDI KESI YA WAKILI MWALE

NA ELIYA MBONEA, ARUSHA.

JINA la Mchungaji Emmanuel Alifora Munisi limetajwa katika orodha ya mashahidi 41 wa upande wa Mashitaka katika kesi ya utakatishaji fedha, inayomkabili Wakili Medium Mwalle na wenzake watatu.

Watuhumiwa katika kesi hiyo iliyofunguliwa Mwaka 2011 ni Wakili Mwale, aliyekuwa Meneja wa CRDB Tawi la Mapato jijini Arusha, Boniphace Thomas, Elias Ndejembi na Don Bosco Gichana mfanyabiashara wa jijini Nairobi nchini Kenya.

Januari 21, Mwaka huu, Wakili wa Serikali Mkuu Oswald Tibabyakomya akisaidiana na Felix Kwetukia aliwasomea watuhumiwa mashitaka 42, mbele ya Hakimu Mkazi Mfawidhi Mustapha Siyani wa Mahakama ya Hakimu Mkazi Arusha.

Wakili wa Serikali alidai kwamba, mashitaka yanayowakabili watuhumiwa hao ni utakatishaji wa fedha. Kugushi nyaraka na kukutwa na mali zilizopatikana kwa njia ya uhalifu.

Mbali na mashitaka hayo, Wakili wa Serikali alitaja majina ya mashahidi 41 wa upande wa mashitaka watakaotoa ushahidi pindi kesi hiyo itakapoanza kusikilizwa Mahakama Kuu, kutokana na Mahakama ya Hakimu Mkazi kutokuwa na mamlaka ya kisheria ya kusikiliza kesi hiyo.

Mashahidi waliotajwa katika kesi hiyo ni Mch. Munisi, watoto wawili wa Wakili mwandamizi jijini Arusha Loomu Ojare ambao ni Arold Loomu Ojare na Eliufoo Loomu Ojare.

Wengine waliotajwa kutoa ushahidi wao ni Charles Edward Obaa, Fatuma Abdul, Shukran Basaemela,Winston Makuri, Janeth Kileo, Agnes Ngalo, Stella Byabato, Judith Lubuva, ASP Fadhil Mndemu, Seleman Nakulinga,Balainesh Issa na  Doroth Muro

Wakili huyo aliendelea kuwataja mashahidi wengine kuwa ni Andrew Maganga,Abdallah Muksin,Said Nassoro, Mejooli Mollel,Joseph Kivuyo,Emanuel Mathayo,Migangala Mirenge, Seif Marwa, Julius Ole Sekeyan, Charles Chilala, Bakari Musa na Abubakar Haji, Abdallah Khalid.

Wengine waliotajwa ni Mariko Mwairwa, Rashid Kapwani, Steven Paul, Dk.Najib Msenga, Benjamin Komba, Godfrey Elias, Julius Marwa, John Mdachi, ,Ibrahim Saidi,Valentine Masawe na Allan Pekins.

Katika kesi hiyo Wakili Omar Juma anamtetea mtuhumiwa wa kwanza na wa pili ambao ni Wakili Mwale na Gichana, mtuhumiwa wa tatu Thomas anatetewa na Wakili Albert Msando na mtuhumiwa wa nne Ndejembi anatetewa na Wakili Moses Mahuna.

Kesi hiyo imepangwa kuendelea Februari 2, Mwaka huu ambapo upande wa Jamhuri utaendelea kuwasilisha vielelezo ambavyo vitawasilishwa Mahakama Kuu wakati kesi hiyo itakasikilizwa.

Mwisho