HOTELI ZA CHEMCHEM ZAWAPIGA MSASA WAFANYAKAZI WAKE

Mwalimu John Macha

VYUO vinavyotoa elimu ya utalii nchini vimetakiwa kuboresha mitaala ili kuzalisha wafanyakazi watakaokuwa na uhitaji na ushindani wa kupambana na mataifa mengine katika sekta ya utalii.

Aidha imebainika kwamba kuwapo kwa uhaba wa wafanyakazi wenye sifa mahiri katika sekta hiyo kumechangia kama taifa kushindwa kupambana na nchi nyingine katika kuvutia watalii.

Akizungumza kwenye mafunzo hayo Meneja wa Chemchem Foundation, Charles Sylvesta alisema , wameamua kuendesha mafunzo kwa wafanyakazi wao zaidi ya 160 ikiwa ni sehemu ya kuwajengea uwezo ili waweze kukabiliana na changamoto mbalimbali.

"Mafunzo haya yamejumuisha kuwapiga msasa kwenye lugha ya Kiingereza, upishi, kuandaa vyumba vya kulala watalii na kuongoza watalii kupitia wataalam wa ndani na nje ya nchi,"alisema Sylvesta.

Kwa upande wake Mwalimu aliyekuwa akitoa mafunzo hayo Aidha kwenye mafunzo hayo,Mwalimu wa Lugha kwenye hoteli hizo, John Macha alisema, baadhi ya wafanyakazi wamekuwa wakikabiliwa na wakati mgumu kuwasiliana na watalii.

"Mafunzo haya tumeyaendesha kwa sasa kutokana na mazingira kuturuhusu kwani hatuna wageni wengi, hivyo tumeamua kutumia fursa hii kuendesha mafunzo haya ikiwa lugha mbalimbali za kimataifa.

“Mafunzo haya yatasaidia wao kuwasiliana vizuri zaidi na watalii au wageni wetu wanaotembelea vivutio na kulala hotelini kwetu, "alisema

Naye Katibu Mtendaji wa Chama cha waajiri katika nchi za Afrika ya Mashariki(EAEO) Dk Aggrey Mlimuka, akielezea kuhusu tatizo la uhaba wa wafanyakazi wa sifa linazozikabili nchi za Afrika ya Mashariki alisema, takribani nusu wa wahitimu wa Vyuo vikuu hawana sifa stahiki katika soko la ajira.

Wakati huo huo Meneja wa Chemchem Lodge Kelly  Ricklan alisema mafunzo hayo, yatawasaidia wafanyakazi hao wanaoishi katika eneo la Burunge  kupata uwezo wa kufanyakazi kitaalamu zaidi badala ya mazoea.