WATUHUMIWA KESI ZA UGAIDI ARUSHA WAZIDI KUSOTA

NA ELIYA MBONEA, ARUSHA

KESI za ugaidi zinazowakabili watuhumiwa wa matukio ya ugaidi katika Jiji la Arusha zimeendelea kuahirishwa katika Mahakama ya Hakimu Mkazi Arusha kutokana na upelelezi kutokamilika.

Kesi hizo kwa sasa zimepangwa kutajwa siku moja ambapo ziliahirishwa jana kwa nyakati tofauti na Mahakimu tofauti.

Akiahirisha kesi hizo mahakamani hapa Hakimu Mkazi Devotha Msofe alidai kesi zilizokuwa kwake ambazo ni PI namba 52,53,55,56,57 na 60 zitatajwa tena Novemba 21, Mwaka huu.

Uamuzi wa kuziahirisha kesi hizo ulitolewa baada ya upande wa Mawakili wa Serikali wakiongozwa na Wakili Kombe kuomba tarehe nyingine ya kutajwa kutokana na kutokamilisha upelelezi.

“Mheshimiwa Hakimu upande wa Serikali tunaomba tarehe nyingine ya kutajwa kutokana na upelelezi kutokamilika,” alisema Wakili Kombe.

Kwa upande mwingine kesi nyingine za ugaidi zinazowahusu wakazi wa mkoani Pwani wanaodaiwa kuwahifadhi watuhumiwa wa ugaidi ziliahirishwa kwa Hakimu Mkazi Simon Bayo Hadi Novemba 21, Mwaka huu.

Naye Hakimu Mkazi Hawa Mguruta kwa upande wake aliahirisha kesi za watuhumiwa hao hadi Novemba 21, Mwaka huu kutokana na upande wa Serikali kudai kuwa unaendelea na upelelezi.

Mwisho.

namba Mahakami tofauti . WAKAZI  watano  wa wilaya ya Rufiji mkoani Pwani wamepandishwa katika Mahakama ya Hakimu Mkazi Arusha kwa madai ya kumhifadhi mtuhumiwa wa ugaidi aliyeuwa kwa kupigwa risasi na jeshi la polisi Yahaya Hussein  (31) ‘Sensei’.

Kupandishwa kizimbani kwa watuhumiwa hao watano kumefanya idadi ya wanaodaiwa kumhifadhi marehemu Sensei na Mwenzake Mohamed Mnyele kufikia Saba baada ya awali kupandishwa kizimbani watuhumiwa wawili.

Akiwasomea Hati ya Mashitaka upya watuhumiwa wote Saba, katika kesi namba 74 ya Mwaka 2014 Wakili wa Serikali Felix Kwetukia alidai kuwa, watuhumiwa wote walitenda kosa hilo Agosti 9, Mwaka huu.

Wakili Kwetukia mbele ya Hakimu Mkazi Simon Bayo alidai kwamba,  wakiwa maeneo ya Ikwiriri, wilayani Rufiji mkoani Pwani watuhumiwa hao walimhifadhi gaidi Yahaya Hussein Sensei.

“Kosa la pili linalowajkabili nyote kwa pamoja ni la kumhifadhi  mtuhumiwa wa ugaidi Mohamed Mnyele,” alidai Wakili wa Serikali Kwetukia.

Aliwataja watuhumiwa kwa pamoja katika kesi hiyo kuwa ni Sadick Hussein, Masumai Kabora, Ismail Juma, Bahari Iddi, Lazaro Salum, Abdulah Abubakar na Aman Issa.

Aidha Wakili wa Serikali Kwetukia alidai kwamba upelelezi wa kesi hiyo pamoja na kesi namba 75 ya mtuhumiwa Shaban Idd anayedaiwa kuhifadhi pia watuhumiwa wa ugaidi bado haujakamilika. Hivyo kesi hizo ziliahirishwa hadi Novemba 7, Mwaka huu.

Katika hatua nyingine mahakamani hapo kesi zote zinazowahusu watuhumiwa wa vitendo vya ugadi ikiwamo kukutwa na mabomu, kumwagia watu tindikali, milipuko ya mabomu Mgahawa wa VAMA, Arusha Night Park, Viwanja vya Soweto na Kanisa Katoliki la Mtakatifu Joseph wa Mfanyakazi zimepangwa kusomwa siku moja.

Kutokana na kupangwa kwa siku moja zote, iliwalazimu Mahakimu watano kupishana kwa nyakati tofauti kwa ajili ya kuziahirisha kutokana na upelelezi wake kutokukamilika, ambapo zote zimepangwa hadi Novemba 7, Mwaka huu.

Mahakimu hao waliongozwa na Hakimu Mkazi Mfawidhi  Mustapha Siyani  aliyeahirisha kesi ya ugaidi namba 43, ambapo upande wa  Wakili wa Serikali alikuwa ni Lilian Mmasi.

Hata hivyo katika kesi hiyo yenye watuhumiwa 9, tayari mtuhumiwa wa 4 Abdallah Maginga ndiye aliyewakilishwa na Wakili wa kujitegemea Zaharan Kisilwa ambaye pia aliomba kupatiwa jalada la kesi hiyo kwa ajili ya kulisoma.

Hakimu Mkazi Devotha Msofe aliahirisha kesi Saba namba 44, 52,53,55,56,57,60, akifuatiwa na Hakimu Mkazi Hawa Mguruta kesi mbili namba 63 na 65. Alifuatiwa na Hakimu Mkazi Simon Bayo aliyeahirisha kesi mbili namba 74 na 75 na Hakimu Mkazi Rose Ngoka aliyeahirisha kesi moja.

Mwisho.